في طاوة ذوبي المارغارين و الماء والسكر و رشة ملح و الفاني حتا يديو غلية طفي وخربلي الفرينة وخلطي بسرعة حتى تتشكل كرية عاودي شعلي النار هادئة وطيبي العجينة حتا تبدا تتشكل طبقة بيضا في الطاوة نحيها خليها تبرد في بيترا ولا بيدك ديري البيض بالشوي ديري الحبة الأولى وخلطي مليييح ومالثنية كيف كيف حتا تتحصلي على خليط أملس ديريه في لابوش وشكلي ليزيكلار تاعك رشي عليهم السكر الناعم وخليهم يرتاحون شوي وحطيهم في الفرن

الكريمة
في وعاء خلطي الصفار والسكر والنشا والكاكاو وحطي عليهم حليب دافئ وخلطي رجعي للكاسرونة وطيبيه ملييح حتى يولي كريمة وديري الفاني والشكلاطة ولي يحب يقدر يدير علبة ياغورت ذوق شكلاطة هاذي اختياري

1فرن مسخن مسبقا
2ممنوع تحلي عليهم يضربهم لهوا ويطيحو
3لازم كي تحطيهم يطيبو فرن متوسط ولا ديريه ناقص باه يطيبولك ليزيكلار في النص كي تفوت نص ساعة طلي عليهم من الكارو ماتحليش إذا شتيه تنفخ وحمار حلي عليه شوي وازربي شعلي من الفوق باع يتحمر ماتقويش من الفوق بزااف كي يتحمر خرجيه وما تخبطيهش راهو حساس خليه يبرد مليح اثقبيه من تحت واحشيه بالكريمة وديريلو الشكلاطة من الفوق

التزيين حسب الرغبة
يجي من الداخل فارغ