نقوم بوضع سميد مع لفرينة و خميرة و سكر نخلطوهم جيدا ثم نبداو نلموهم بالماء الدافئ في نصف عملية اضافة الماء نضيف رشة من ملح و نكمل حتى نحصل على عجينة طرية

نعجنوها ملييح و نتركوها ترتاح حتى تخمر و نحلوها علا مكان العمل تاعنا و نطبع الدوائر تاعنا و نحطوهم في سنيوة نكونو فرشناها بطرشونة باه ميلسقش لعجين فسنيوة و نغطيوه تاني من فوق و نخليوه يزيد يرتاح مدة

هنا بعد مرتاح دوائر لعجين تاعنا لي طبعناهم نجيبو مقلاة عادية بدون زيت و نخليوها تسخن و نحطو بطبوط تاعنا مع يبدا يتنفخ نقلبوه على الجهة الأخرى ويجينا خفييف و فارغ من داخل

بالنسبة للسمك تع لعجينة كي تحلوها مديروهاش خشينة تجي شوي رقيقة مع نزيدو نخلوها ترتاح راح يزيد حجمها و تجي سوا سوا و نكملو نعمروهم بالحشو و رديتهم انا فالبانينوز باه يديو تحميرة و يكونو واجدين