نخلط الفرينة و زبدة التوريق (لازم تكون مسكرفجة) و زيت تم نضيف البيض و سكر و نلم بالماء ونخلي العجينة ترتاح ربع ساعة في ثلاجة

في كسرونة نخلط الحليب مع النشأ و سكر و البيض و الملح حتى تعقد بعدها نضيف فانيلا ونخليها تبرد

نطلع الشانتي مع عصير الفراولة

نخلط كريمة بعد ماتبرد مع شانتي لي كنت طلعتها و تكون الكريمة جاهزة

بعد ما ترتاح العجينة تضعها في قوالب ونخليها ترتاح ٥د في الثلاجة و نطيبها

بعد ما طيب نملا بالكريمة

بالنسبة للتزيين و ضعت نصف حبة فراولة 🍓 يبقى اختياري

و هكذا تكون تارتولات جاهزة بذوق الفراولة 🍓 وتكون مقرمشة و ذوقها رائع جدا 😋 شهية طيبة ♥️