في إناء نخلط بيض مع سكر مليح حتى يبياض خليط ونضيفلو زيت بتدريج ثم علبة ياورت باي نكهة لي متواجدة في بيت مع رشة ملح نخلط جيدا وبعدها نلمو خليط بفرينة وخميرة كيميائية ولازم خليط يكون متماسك على واش متعودين يعني فرينة نكثرو

بعدها نسخن الماء يكون يغلي حوالي ربع كأس أو أقل نديروه فوق خليط ونحركو حتى تولي كيما مزيج اي كيكة عادية

بعدها ندخلها للفرن على درجة الحرارة 180 طيب من تحت وبعد فوق

بلا نتاعنا ندهنو بقليل من زبدة مع فرينة باش نظمنو بلي كيكة مراحش تلصقنا بعد ما نقلبوها
بعد ما طيب كيكة نخرجوها من فرن وننزعوها من بلا نتاعها ونزينوها بشوكولا اذا متواجد او معجون يعني اختيارية