أول شيئ نجيب السميد نفرغو فالمول لي رايحة نطيب فيه يكون سمك السميد 1 سم من بعد نقسم هذاك السميد على 6 كيلات نحط السميد في جفنة نزيد عليه بنفس الكيلة 3 كيلات سكر ونحرك مع بعض نزيد نفرغ عليه كيلة مخلطة بين نص زيت ونص زبدة ونحك بيد يدي حتى يدخلو في بعضهم ومن بعد نزيد كيلة مخلطة بين حليب وماء الزهر وقرثة ملح ورشة لفاني ونبقى نحك بيد يديا حتى يتشرب السميد مليح ونخليه يرتاح نصف يوم او ليلة كاملة

ومن بعد نزيد كيلة مخلطة بين حليب وماء الزهر وقرثة ملح ورشة لفاني ونبقى نحك بيد يديا حتى يتشرب السميد مليح ونخليه يرتاح نصف يوم او ليلة كاملة

نجيب لبلاطو لي كيلت فيه اول مرة ندهنو بالزبدة ونفرغ نصف الكمية ونسويها مليح بالملعقة تكون متساوية نرشها بالكاكاو ونزيد من فوق الكاوكاو المرحي

نزيد نفرغ الكمية الثانية من العجين نحاول نفتحها بالتساوي ونغطي كامل الحشو ونضغط على العجين حتى يشد في بعضاه من بعد نقسم حبات كيما موضح فالصورة من غير مانلحق اسف لبلاطو ونحط حبات اللوز وندخلو يطيب من تحت حتى تتحمر الحواف نطفي ونشعل عليه من فوق مباشرة من نخرجو نشربو بكنية المناسبة نتاع شاربات ولازم تكون شربات باردة وقلب اللوز ساخن نغطيه بغلاف بلاستيكي ونخليه ليلة كاملة من بعد نقطعو وشهية طيبة