تاكوس المثلثات

في مقلاة نحطو القليل من الزيت نظيفو عليه اللحم المفروم و نظيفولو الملح و باقي التوابل و ملعقة الموتارد و رشة القرقة و نخلط الكل جيدا حتى يتقلى مليح من بعد نظيفولو كرام فراش و الجبن المبشور و نخلط الكل جيدا حتى يذوب الجبن و نتحصلو على خليط لذيذ

في هاذ الوقت نكونو حضرنا البطاطا المقلية نتاعنا و حطيناها نجيبو خبز التورتيا و نقسمو الوحدة على نصفين و كذلك نحضرو خليط الفرينة و الماء لي نستعملوه كلاسق نغلقو بيه الأطراف و نذوبو كمية من الزبدة

من بعد كل نصف نحطو فيه البطاطا و خليط اللحم المفروم و نضيفولو قطع من جبن الكامومبار و نغلق و نحط خليط الفرينة على الحواف و نغلق الخبز على شكل مثلث

من بعد نسخنو المقلاة تاعنا الخاصة ندهنو كل قطعة بالزبدة الذائبة و نحطوها في المقلاة حتى تتحمر و تكتسب اللون الجميل و بصحتكم حبيباتي