نجبد عجينة تاعي من مجمد نخليها دكونجلا حاولي 15 دقيقة وبعدها نجيب كاسرونة نحط فيها سمن تاعي نذوبو على نار هادئة ونبسط ورقة الفيلو على سطح عمل ونحط تورني بروش باش يساعدني على تشكيلها وينطوي طية صغيرة ونبدا ندهن ورقة تاعي وباقي عجينة نغطيها ولازم متتعرضش الهواء باش متتكسرش وتغبنك في عمل ونحط فوق طية هذيك كمية من كاوكاو ونطوي حتى نتحصل على حؤبوش وبعدها نضغط على عجينة باش تعطيني تكميشات وننزع تورني بروش تاعي ونحطهم في بلا يكون مدهون بسمن كمية تكون مليحة باش طيب مقرمشة ونكمل بنفس طريقة حتى نكمل

بالنسبة لعجينة لك لاختبار تحبي ديري زوج ورقات او ثلاثة حسب الحجم لي تحبي انت ام نوع الافضل بالنسبة ليا عجينة الاميرة مليحة ومتتقطعش وبعدها ندهنها من فوق بسمن ونقطعها طول لي نحب أنا وندخلها على فورماسيو يكون في 250 درجة لفوق و لتحت حاولي نص ساعة غير نشوفها بدات تحمار على جوانب نطلعها لفوق تأخذ تحميرة من لفوق وبعد ما نخرجها وهي سخون نحط عليها عسل تاعي ونخليها تتشرب ويفضل تبات ونحط فوقها كاوكاو لي لونتو بالون الاخضر نحطها في لكيسات ونقدمها وراح تقطعلكم علبة وحدة 62 حبة اذا درتها

حجم صغير واذا كبير راح تعطيك 42 حبة ارجو اني نكون فدتكم وتجربو وصفة وشهية طيبة