حلى الخشخش على طريقة ام الياس

في ايناء تحطي حليب المكثف المحلى وتحطي عليه كرام شانتي وفلان وتخلطي شوية مبعد ديري كرام فراش والجبن وتضربي بالخلاط الكهربائي حتى يتضاعف الحجم تاعها

ومبعد في صحن التقديم تحطي كمية صغيرة من الخليط وفوقو البسكويت المتشرب في الحليب والقهوة وتشمخيهش بزاف باه ميجيش صامط وفوق البسكويت ديري القطايف المحمرة والمكسرة وتكملي العملية بنفس الطريقة حتى تكملي كامل الكمية لي عندك

وفي الاخير تزينيها بخطوط الشوكولا او مكسرات وبصحة وراحة