نغسل الخضار جيدا ثم نقطعها دوائر بالنسبة للباذنجان نحطوه على ورقة الزبدة و ندهنوه بزيت الزيتون و نتبلوه بالملح ووالثوم بودرة و فلفل أحمر حار و نحطوه فالفور يذبل ويطيب أما الجريوات و البطاطا نفوروهم و كي يطيبو حتى هوما ندهنوهم بزيت الزيتون و نتبلوهم بنفس تتبيلة الباذنجان و نحمروهم فالفرن،من جهة أخرى نقطعو الفلفل الأخضر الحلو ووالحار و نذبلوه أيضا تبقالنا نصنعو صوص الطماطم نرابيو حبة الطماطم مع الفصين تاع الثوم و نحطوها تتقلى مع الملح ووشوي فلفل أحمر و نحطولها شوي ماء قدر ملعقتين

كي تخثار الصوص نجيبو المول لي راح نرتبو فيه الخضار نحطو نصف كمية الباذنجان و فوقها الجريوات و نحطو فوقهم نصف كمية صوص الطماطم ثم نحطو البطاطا و الفلفل و نحطو فوقهم الباذنجان المتبقي و نحطو باقي الصوص ثم نخلطو البيض مع الدبشة و الملح و نلوحوه فوق الخضار و ندخلوه للفور كي يطيب نجبدوه و زينوه كيما تحبو

ملاحظة لي يحب الفرماج يقدر يزيد فرماج مرابي من الفوق

و شهية طيبة للجميع راهو يجي بنين ويصلح حتى لأصحاب الريجيم

انتظروني في وصفة أخرى