2 بيضات طلعتهم بباتور مع كأس غير ربع سكر عادي + قرصة ملح + نص كاس زيت + نص كاس حليب + قشور الليمون و لافاني ممكن قشور البرتقال + م ك خل يعطي هشاشة للكيك + 1 باكي خميرة + 2 كيسان فرينة واحد معمر واحد ناقص اصبع يعني كاس و كاس ناقص اصبع

مرات كي يكون عندي عصير البرتقال ندير نصف كأس عصير بدل الحليب يعطي نكهة خاصة للكيك و نديرلو صلصة نشربو بها و هي عبارة عن عصير برتقال + سكر ناعم تقدري تديري سكر عادي + شوية ميزينة خلطتهم فوق نار انا ماكثرتش الميزينة و جات جارية كي الصلصة لي تحبها ثقيلة تجي حاكمة كطبقة فوق الكيك تعمر ملعقة ميزينة فرغتها فوق الكيك و رشيت جوز الهند

اذا تحبو الكيك هكاك بدون مايتشرب تخلوه كيما راه بدون صلصة