பச்சை அரிசியை 2 மணி நேரம் தண்ணீரில் கழுவி ஊறவைத்து, தண்ணீரை வடிகட்டி ஒரு டவலில் பரப்பி 20 நிமிடங்கள் உலர விடவும். அதை ஒரு பிளெண்டருக்கு மாற்றி நன்கு பொடி செய்யவும். அதை ஒரு சல்லடை மூலம் சலித்து எடுத்து வைக்கவும்.

.ஒரு பாத்திரத்தில் 1/2 கப் உளுந்து பருப்பை உலர்த்தி ஒரு பிளெண்டருக்கு மாற்றி பொடியாக வைக்கவும். ஒரு சல்லடை மூலம் அதை சலிக்கவும். 2 தேக்கரண்டி (உளுந்து) மாவு தேவை.

ஒரு கலக்கும் கிண்ணத்தில் அரிசி மாவு, உளுந்து பருப்பு மாவு, எள், உப்பு, உருகிய வெண்ணெய், தேவையான தண்ணீர் சேர்த்து மென்மையான மாவாக பிசையவும். மாவை 3 அல்லது 4 பகுதிகளாக பிரித்துக் கொள்ளவும்.
முதலில் ஒரு பகுதி மாவை மட்டும் எடுத்து திக்காக பிசைந்து கொள்ளவும்.

ஒரு ஈரத் துணியின் நடுவில் ஒரு பாட்டில் மூடியை வைத்துக் கொள்ளவும்.
ஒரு எலுமிச்சம்பழ அளவு உருண்டையை எடுத்துக் கொள்ளவும்.
கட்டை விரல், ஆள்காட்டி விரல் மற்றும் நடுவிரல் ஆகிய மூன்று விரல்களைக் கலந்து முறுக்கினை சுற்றவும்.
கட்டை விரலாலும், ஆள்காட்டி விரலாலும் மாவினை சிறிது அழுத்திவிட்டு, பிறகு அதனைத் திருகி திருக்கி பாட்டில் மூடியைச் சுற்றிலும் சுற்றி விடவும்.
இந்த வகை முறுக்கினை மிகவும் மெல்லியதாக சுற்றக் கூடாது.

கடாயில் பொரிப்பதற்கு தேவையான அளவு எண்ணெய் ஊற்றி, எண்ணெய் சூடானதும் சுற்றி வைத்துள்ள முறுக்கை கவனமாக எடுத்து, எண்ணெயில் இட்டு பொரித்தெடுக்கவும்.
இதே போல் அடுத்த பகுதி மாவை எடுத்து பிசைந்து, சுற்றி, பொரித்து எடுக்கவும்.
சுவையான கை முறுக்கு தயார்.