نجيب كاسرول نحط البيض والسكر نخلطهم مليح حتي يضاعف الحجم ويولي ابيض ونبقي نظيف الزيت ونخلط بالتدريج ونظيف النشاء والفاني ونخلط بالباتور كي يتجانس الخليط نبدا نظيف القليل من الفرينة مع الخميرة ونخلط ونظيف الفرينة حتي الحصول علي عجينة طرية ومتتلاصقش نسخن الفور

نجيب بلاطو نفرش ورق الطبخ ونشكلها كويرات صغيرة لانو راح تتنفخ فالفرن نقص للفرن علي اقل درجة ونحطو بطيب ومنغفلش عليه لانو بطيب بسرعة

كي يبرد تماما نجيب معجون المشماش مخفف بماء الزهر نحط الوجه وننفظ الزاءد ونحط الحبة ونمرمدها فالقوفريط المرحي ونخليه ينشف وبصحتكم