بريوش رولي 😋

في اناء نحط الماء الدافي و السكر و الخميرة و حليب بودرة نخلط جيدا و نترك الخليط 10 دقائق.

بعدها نضيف الزبدة الطرية و الزيت و رشة ملح و بياض بيضة و نخلط جيدا بعدها نبدا بإضافة الفرينة تدريجيا مع كيس خميرة كميائية و نعجن حتى نتحصل على عجينة تتلصق في اليد ندلكها قليلا و نتركها تخمر.

لما تخمر نهبطلها التخمار نقسمها الى 2 ونذوب الزبدة و نخليها تبرد ونجيب كمية من السكر نخلطها مع قليل من القرفة ونخليها بجيه.

نأخذ قسم من العجينة نرش طاولة العمل بالفرينة ونحلو على شكل مستطيل رقيق ونجيب الزبدة الذايبة نطلي كامل السطح وننثر فوقو خليط السكر والقرفة ونبدا نرولي فيه غير بالعقل حتى نروليه كامل.

نلصق اطراف العجينة مع بعض ونجيب موس ونقطعو الى قطع صغيرة او متوسطة حسب الرغبة ونديرهم في سنيوة مدهونة بالزيت ونخبزهم قليلا فقط.

نجيب صفار بيضة مع قطرات قهوة نخلط وندهن سطح الحبات. نكمل بنفس الطريقة مع العجينة المتبقية.

نشعل الفرن مسبقا ندخلهم يطيبو من تحت بعدها من الفوق لما يتحمرو من الجيهتين نحيهم من الفرن و وما سخونين نجيب معجون او عسل و ندهن بيه سطح الحبات.

نخليهم يبردو و نقدمهم مع قهوة او عصير.

ان شاء الله يعجبوكم شهية طيبة 😘😘😘😘