في الكوكوط نحط البصل والثوم والطماطم والتوابل الملح⁩ طماطم مصبره هريسة حمص وزيت نخليهم يتقلاو على نار هادئة من بعد نمرقهم بالماء الساخن ونخليهم حتى يطيبلي الدجاج والحمص نحل الكوكوط نزيد نحط الجريوات والفلفل الحار ونربط حتى يطيبو وتخثار نغلق عليهم

بنسبة لشخشوخة نتاعي درتلها شوية زيت وخليتها تتفور المرة الأولى ومن بعد نحيتها حطيتها في قصعة وحطيتلها الماء مليح تقريبا زوج كيسان كبار حتى نعمرها مليح بالماء ونصفيها ونخليها تنشف ونزيد نكرر هاذ العملية مرة ثانية والمرة الثالثة كي تتفور نحطها في مقلاة ونديرلها ملعقة كبيرة من الزبدة ونخلط مليح

من بعد نضيف المرق بالشوية حتى نتحصل على القوام المطلوب ودجاج نتاعي والفلفل درتلهم شوية زبدة وحمرتهم غالمقلاة حتى خذاو لون ذهبي ونقدمها مع فلفل حار بيض ودجاج وبصحتكم⁦❤️⁩🧡