في طاجين أو طنجرة حطيت حبة بصل مقطعة رقيق ذبلتها في شوية زيت وضفت عليها الثوم مرابي وخليتها حتى هي تتقلى.

ضفت الطماطم مرابية، نغلق على الطاجين ونخليها طيب على خاطرها، ضفت التوابل الملح حسب الذوق الفلفل الأسود والكركم نخلط الكل ونخليها تعقد وتنشف شوية من السوائل.
ملاحظة: في هاذ الوصفة ما ضفتش الطماطم المصبرة لخاطر الطماطم اللي عندي لونها حمر شباب.

في غرفية نحط البيض نضربو شوية ونفرغو على الطماطم بلا ما نحرك بزاف.
كنت حطيت من قبل وصفة طوماطيش بالبيض بصح البيض خليتو وافي بلا حركتو.

نخليه يطيب شوية ونزيد فوقو جبن الشيدار (إختياري) بصح يزيد في البنة، ومن فوق دردت شوية زعيترة، درجة طهي البيض تبقى حسب الإختيار.

ويقدّم بألف صحة وهنا.