لتحضير البيري نقطع البطاطا قطع صغيرة ونحط معاها ملعقة زبدة أو مارغارين كبيرة وملح وماء ونخليها تنضج.

كي طيب وتنشف من الماء نضيفلها الحليب والجبن ونرحيها بالباتور.

في مقلاة نحط ملعقة زبدة ونص ملعقة زيت ونحطو فيهم الكبدة تتقلى حتى تنضج وتتحمر مليح بعدها نرابي عليها الثوم ونزيد ملعقة قهوة كصبر ووحدة فلفل اسود والملح ونزيد كاس ماء ونخليها تغلي حتى الماء يهز جميع البنة تاع قليان الكبدة والتوابل وتولي صلصة عاقدة.

نحط البيري ونسقيها بالصلصة والكبد وشهية طيبة

انا رافقتها مع سلطة وميني خبز الدار.

ملاحظه: الماء ماديروش بزاف قيس ماطيب البطاطا برك ولازم ينشف باه كي تزيدو الحليب ماتجيكومش جارية وتحكم روحها.