الخطوات
- 1
ننقع البرغل نص ساعة بماء فاتره
- 2
وبعد ما يجهز بنجيب ماكنه فرم اللحمة بنطحنه عاصغر نمرة وبنطحن معاه اللحمة المفرومه والزنجبيل بدون قشره والليمون والنعناع
وبنعيد الطحن مرتين انتيهو حبيباتي هاي اهم نقطه - 3
هلأ بتشوفي اذا العجينه ناشفه حطي عليها رشه ماء لتشوفي قوامها وانها تنعجن بيدك بسهوله بدون ما تفك منك
وطبعا بنحط شوية بهارات كبه وملح عليها
- 4
بنقلب اللحمة عادي مع بصل وبنحط رشه دبس رمان وملح وبهار الكبه عليهم ليستوو واهم اشي لا تحشي الكبه الا لما تبرد الحشوة
وهيك جاهزة للحشي
- 5
بالنسبه للبن بنحط اللبن رايب على الغاز وبننزل عليه معلقتين نشا ورشه ملح والماجي وبنحركه ليغلي وبنقدحله ثوم بزيت زيتوووووون وصار جاهز هيك
- 6
والسلطه بنغسل الجرجير بنقسمه مع عروقه عادي😁
بنقسم البصل جوانح رفيعه
والبندورة مكعبات وسط وبنخلطهم سوا ونتأكد انه ما في سوائل وكله منشف منيح بنحط عليهم كميه حلوة من السماق🥰🥰وعلى جنب بنجهز الليمون والملح وزيت الزيتون
وبنسكبهم فوق السلطة عند التقديم
- 7
بنقلي الكبه بزيت غزير وحرارة فوق الوسط بشوي
وصحتين،❤️❤️❤️
وصفات مشابهة
وصفات ننصحك بمشاهدتها
التعليقات (5)