સૌપ્રથમ એક વાટકી ચોખા ને ૧૫થી ૨૦ મિનિટ પલાળી ને પછી તેને કુકરમાં ૨ વાટકી પાણી નાખી ને એક સીટી વાગે ત્યાં સુધી પકાવો. પછી ગેસ બંધ કરી નાખો જ્યાં સુધી કુકરમાંથી પ્રેશર ન ઊતરે ત્યાં સુધી કુકર ખોલો નહીં જેથી તેની વરાળમાં ચોખા પાકી જાય. હવે fried rice બનાવવા માટે બધા શાકભાજી કાપીને તૈયાર કરી લો.

હવે એક પેનમાં તેલ ગરમ મૂકી તેમાં ઝીણા સમારેલા આદું-મરચાં લસણ નાખી સાંતળો પછી તેમાં કાપેલા કાંદા ઉમેરો. પછી તેને હલાવી નાખો હવે તેમાં કેપ્સીકમ, ગાજર,ટામેટા અને કોબીજ નાખીને બધા શાકભાજીને સતત હલાવતાં રહો.

હવે તેમાં જરૂર મુજબ મીઠું નાખી હલાવો. શાકભાજી અધકચરા પાકી જાય પછી તેમાં બધા સોસ અને વિનેગર નાખીને ફરીથી બધું હલાવી નાખો.

હવે તેમાં રાંધેલા ભાત ઉમેરો અને જો તમારી પાસે વાટેલા મરી હોય તો તેનો ભૂકો પાણી ઉમેરી શકો છો.તમારી પાસે લીલા કાંદા હોય તો લીલા કાંદા પણ તમે નાખી શકો છો. પછી બધું બરાબર હલાવી નાખો અને પાંચ મિનિટ માટે ઢાંકણ ઢાંકી પાકવા દો.

ફ્રાઈડ રાઈસ બનીને તૈયાર છે તેને ગરમાગરમ પીરસો.