دبس التمر

بسم الله والصلاة والسلام على رسول الله (انا استعملت غرس وانتم الموجود عندكم النتيجة وحدة) في قدر نضع التمر ولتر ماء (لكل كيلو لتر ماء)
ونحطو فوق النار ومرة على مرة نحرك حتى يغلي وبعدها نخليه على نار قليلة وكل عشرة دقايق نحرك باش مايلصقش حتى ينشف تماماً من الماء يبقا غير التمر (التمر نحطو بالنواة يطيب) حتى يصبح هكذا كما في الصورة

بعدها في كسكاس نحط قطعة قماش نقية ونحط التمر فيه ونحط فوق الرزمة تاع التمر شيء ثقيلة ونخليه يقطر في غرضو داخل القدر
ولما يبرد شوية نعصرو بيديا مليح مليح حتى متبقى ولا قطرة وبعدها نحط السائل فوق النار وكي يبدا يغلي نقص للفرن ونخليه على مهلو ونحرك بين الحين والاخر حتى نتحصل على القوام المطلوب