انا عندي زيتون مخلط صغير و كبير فصلت الحبات لكبار على الحبات الصغار و نقيتهم و غسلتهم

حطيت كل واحد في سطل وحدو و حطيت الماء مساوي لكمية الزيتون

زدت عليه الدواء (مادة تصبير الزيتون) نصف قرعة ف الزيتون الصغير و النصف الاخر ف الكبير

بقيت كل مرة نحرك فيه حتى شفت الحبات تغير لونهم و طابو (كي تمسوه بيديكم تلقاوه طري) نبقى نبدل ف الماء و كي يقرب يصفى نملح شويا (الملح يعاون الدواء باش يخرج) كل مرة حتى يروح اللون الاحمر و يصفى من الدواء

كي يصفى نملحو عينك ميزانك و بصحتنا 😋