نقشرو لخضرة نتاعنا ونقطعوها نديروها في قدرة مع بصل وثوم لي نسكرفجوهم ونزيدو عليهم طماطم مصبرة وراس لحانوت، ملح وفلفل أسود وزيت نصبو عليهم لما حتان تتغطى لخضرة نتاعنا

نديرو كل شي بارد في بارد ونخليها طيب، من جهة نشد باكيت نتاع تليتلي نفرغها في مقلة نحمصها شوية

وكي طيب لمرقة نتاعنا نحيو لخضرة نحطوها في جهة ونشد تليتلي نتاعنا ونرميها في لمرقة ونخليها طيب وساعة لساعة نحركوها باش ما تلسقش

نخليوها طيب حتان تليتلي يشرب كامل لمرقة ونطفيو عليها نار نديروه في صحن ونزينوه بالخضرة وبيض مغلي وفلفل مقلي

شهية طيبة