نقوم بدمج الزبدة مع البيض ثم نضيف كأس سكر الناعم بعدها الفاني سائلة او بودرة ثم نضيف الفرينة ونلم برؤوس الاصابع حتى نتحصل على عجينة طرية نتركها ترتاح نصف ساعة

ثم نحمص كل المكسرات وڨاطو مكاو نخليهم يبردو منبعد نرحيهم متوسطين ثم في إناء كبير نقوم بمزج كل من المكسرات والفايتين ونجمعهم بتوفيا البراليني ونتحصل على خليط طري

نذوب شوكولاته بيضاء في حمام مائي استعملت شوكولاته الوجدان ونجيب مول السليكون وندير طبقة اولى ونحطها في الثلاجة نكرر العملية 3 مرات بعد ذالك نملأ الفراغ في المول بالحشو لي حضرناه ونحاولو نحيو الحبة بالشوية

اما البسكويت نقوم بطهيه كيما اي مثل الصابلي استعملت طابع الوردة ونلصق الحبة ونملأ الفراغ لي من فوق بسوبر كريم كراميل ونزين بحبة بيستاش وبرعم تاع الورد وورقة ذهبية

ونقدرو نبدلو لون الشوكولاتة وطريقة التزيين لكن طريقة التحضير نفسها وكيما نقدرو نستغنى على المكسرات ونخدموه بالكاوكاو