ندخل المزيج مليح في السميد و نحكو بين يديا لمدة 10 دقيقة حتى نحس أنو السميد رجع رطب و الخليط أصبح نوعا ما رغوي. هذه خطوه مهمه لنجاح المقروط.

نضع المزيج في علبة محكمة الغلق ونخليه يبات. لازم الخليط نتاعنا يبات حتى المقروط يكون ناجح.

نأخذ كيلة الماء والماء الزهر ونبدا نبل المقروط. نشمخوه بشويه نحك السميد ونلم فقط دون ان نعجن، نشمخوه قيس ما نقدر نشكل كرة ما تتشققش تما نغطيه ونخليه يرتاح عشر دقائق.

نأخذ الغرس نضيف له القرفه والقرنفل والجلجلان والمغرف تاع الزبده وماء الزهر ثم نعجنها مليح نشكل كرات يكون الوزن نتاعها يتراوح بين 10 الى 12 غرام.

بعد ما يكون السميد نتاعنا ارتاح نشكل كرات وزنها 45 غرام. نحشي كرات السميد بكرات الغرس. نغطس المول في الزيت ونشكل حبات المقروط. ندخل المقروط الى فرن يكون مسخن مسبقا على درجه حراره تتراوح بين 170 حتى 180 درجه. بعد ما يتحمر مليح من تحت نشعل عليه من فوق ونخليها على نار هادئه حتى ياخذ اللون الذهبي.

بعد ما يطيب المقروط نأخذ عسيله تكون شويه خفيفه نضيف لها ماء الزهر ونغطس فيها المقروط على مرتين

التزيين يبقى اختياري وبالصحه عليكم