نخلط كل المكونات السائلة ومنخفق شوي ومنضيف عليهن السميد ومنخلط ومنضيف الطحين بالتدريج لحتى نحس انو صارت عجينة طرية جداً وما تلزق غالبا بياخدو كاستين طحين لكاستين ونص حسب نوع الطحين

منرقا بين نايلون ومنقطعا دوائر ومنلزقهم متل الصور ومنلفهم ليصيروا وردة منقطعا بالنص بالسكين بتعطينا وردتين وهكذا لتخلص الكمية

طالعولي هالكمية تقريبا خمسين حبة بحطون بفرن حامي فوق وتحت لعشردقايق اوحتى يتحمروا بهذا الشكل بطالعون وبنزل عليهون القطر البارد وهي ساخنة

الف عافية على قلبكم اصدقائي بتمنى تجربوه لانه بيستحق فعلا طعمه لذيذ وخفيف ومع القهوة ياسلام 😇😄