ننظف الدجاجة ونشوطها قليلا ونغسلها جيدا بالماء الساخن مع الملح والخل ثم نمسك كمية من الملح ونحك بيها الدجاجة من الخارج و الداخل ثم كمية من الفلفل الاسود ايضا ونتركها على الأقل ساعة تتشرب بنة الملح

نخلط الموطارد مع 2 فص ثوم وملعقة صغيرة من كل التوابل وملعقة زيت نخلط جيدا ثم ندهن بها الدجاجة وندخل حتى تحت الجلد نتركها جانبا تتشرب الخلطة

نغلي الأرز نصف طياب في ماء وملح نصفيه ونحط عليه نصف البصلة مبشور و2 فص ثوم والمعدنوس والطماطم مقطعة رقيقة والجزرة مفورة مقطعة قطع صغيرة ثم نفس التوابل لي حطينا في الدجاجة وملعقة زيت

نحشي الدجاجة بالارز ثم نغلق بالاعواد او بالخيط الخاص بالمطبخ انا ما كانش متوفر عندي كسرت اعواد الشواء واستعملتهم

نقطع نصف البصلة الى شرائح ونفرشها في المول ونزيد فوقها البطاطا دوائر ثم نضع الدجاجة ونغطيها بالالومنيوم وندخلها لفرن مسخن على أقصى درجة

تأخذ تقريبا ساعة ونصف في هذه المدة نفتح عليها كل فترة ونسكب عليها من الصوص اللي تنتجها في المول بعدها نمسحها بشوية زبدة او سمن ونحمرها من الاعلى

تجي تحفة في البنة وهاااايلة والاحسن تكثرو البطاطا لي تحتها لانها تأخذ كامل البنة تاعها.... وشهية طيبة