نبدأ بإسم الله(حلويات)......

بسبوسة بطريقة خبز جديد وشكل جديد بتدوب دوبان ونفس الطعم الكلاسيكي بتاع الحلوانى للبسبوسة اللي كلنا بنعشقه ☺️#يوميات_رمضان#المصور_البرونزي

البسبوسة من أحلى الحلويات إللي ممكن تقدميها لضيوفك في شهر رمضان الكريم هقولك على طريقة عمل البسبوسة بكل تكاتها وحركاتها عشان تعملي أحلى وألذ بسبوسة🤩❤️

اللهم صل وسلم علي سيدنا محمد عليه افضل الصلاه واتم التسليم

بحب أعمل البسبوسة جداً لأنه طبق لا يقاوم بصراحة سواء طعمه او ريحته ,حاجة كدا سحر الشرق بتدوب في البؤ.البسبوسة مختلفين عليها ناس تقول أصلها مصري من أيام الفراعنة و أنهم لقوا أوانى فخارية لخليط من السميد والعسل والسمن ووجدوا نقوش ورسومات على الجدران الفرعونية لهذه الحلوى وهى بتقدم للملوك.يعنى كدا نقدر نقول ان البسبوسة طبق مصري أصيل من الطراز الأول.لكن في حكايات تانية ان البسبوسة طبق ظهر في التراث والمطبخ المصري مع الدولة العثمانية والى كانت بتتميز بحلوياتها الشهية ,حتى انه بيقال ان الرسوم والنقوش على الجدران الخاصة بالجنود في الدولة العثمانية كانت بتظهرهم بأجسام مليانة اكتر من الجنود في العصور الثانية ,لأن العثمانيين كانوا معروفين بحبهم للأكل والحلويات ,يعنى كدا هو طبق عثمانى اتنقل لمصر ليصبح من أشهر الحلويات على السفره المصرية ,وبدأينتشر طبق البسبوسة للشرق الأوسط والدول العربية,وأصبحت كل دولة تنافس في وضع اللمسة الخاصة بها في البسبوسة.مثلا في السعودية تقدم ساخنة.وفي كمان أنواع مختلفة حاليا فيه اللي يبسها بماء الورد ,فيه اللي بيضيف جوز هند,وبسبوسة بالقشطة ,بسبوسة بالشوكولاتة وانواع تانية كتير.في مصر اسمها بسبوسةوفى دول تاتية اسمها نمورة او هريسة السميد.هنعمل انهاردة بسبوسة بالقشطة على الطريقة المصرية ياللا بينا نبدأ باسم الله. #كوكباد

#3_وصفات

#التحدي_البرونزي

#فريق_رينا

#من_القلب

بسبوسة بالقشطة