باتيسري المقلاة بدون بيض

في وعاء نخلط السكر مع الكاكاو مغربل ونضيف الحليب و الزيت ونخلط مليح ثم نضيف الفرينة مع الخميرة الكيميائية.ونقسم الخليط على ثلاثة.

ندهن المقلاة بالزيت وعلى نار قليلة نطيب الجزء الاول ونغطي عليه حوالي ربع ساعه حتى تنشف مليح ثم نزيد نطيب الثانية والثالثة ونخليهم يبردو.

بعد ما يبردو نثقبهم ونشربهم بشربات ولا حليب حسب الرغبه ونكون طلعت كرام شونتيي بربع كاس ماء ونديرها بين كل طبقة وثانية والباقي ندهن بيه كل الكيكة.و ندخلها الثلاجة حوالي ساعتين.

نحضر صوص شوكولا ،في كسرونة نحط كاكاو مع سكر وماء وملعقه زيت ونخليه فوق نار حتى تغلي ونحيها نخليها تبرد ثم نضيفها من الفوق والتزيين اختياري.