نقي فول ونخليه بلقشور ونحطو يطيب نصف طياب

في خلاط او مهراس نخدم درسة ثوم فلفل دريس ملح فلفل اسود فلفل عكري حار فلفل عكري حلو مع فنجان صغير ماء ونمكسيه

في مرميطة نفرغ 3مغارف كبار زيت زيتون مع مغرف كبيرة طماطم مصبرة ونخليها حتى تتقلي جيداً ثم نزيدلها درسة لي خدمتها من قبل ونحرك لمدة 5 د ونفرغ فيها كاس صغير ماء ونخليها تتقلي ونرمي فيها فول وجلبانة وشويا حشيش ونخليها تتقلي على نار هادئة حوالي 10د ثم نمرقها بماء الساخن

كي طيب نزيدلها شوية نعناع يابس و حشيش وشهية طيبة