براج من ايدي شاوية بالدقيق الاسمر

نحط الدقيق نتاعي مع كيلة سمنوالزيت ونبسس مليح ونزيد معاهشوية ملح ونبلو بشوية حليب

ونخلط العجينة نتاعي بطراف صباعك وتبلي بهاذيك الكيلة نتاع الحليب حتى تخلصي لكيلة نتاععك اذا كانت تتشرب زيدي شوية

حتى تتحصلي على عجينة طرية وتخايها ترتاح شوية حتى توجدي لحشو نتاعك

والحشو نحط لغرس نتاعي معاه القرفة والطيب والجلجلان حب وتبليه بالمازهر حتى تتحصلي على حشو يكون رطب

طروحي للعجينة نتاعك وتفرشي شكارة وتلوحي لقرصة للولى وتزيدي قرصة نتاع للغرس وتزيدي القرصة الثانية تكون كبيرة على الولى باش الدخلي جوانبمن للتحت وتقفل اوكل وتزيدي شكارة عليها وتحليها بتلقنوط كيماتحبيها

وترشميها الرشمة نتاع لبراج وتقصيها معينات

وطيبيها فوق الطاجين نتاع المسمن يكون تحتو الطاجين نتاع الطين على نار تكون قاوية شوي

بعد ما تحمار الجيهة للولى تقلبيها حتى الطيب

والبنة روووووعة تفكرني في لبراج نتاع الجدات بكري