بسم الله اللهم صل وسلم وبارك على سيدنا محمد وعلى اله وصحبه اجمعين بعد ما نغسل حبات البرتقال ونشفهم جيدا نقطع من فوق لكي نستخلص عصير البرتقال ومن تحت نقطع غير شوية للقاعدة باش حبة البرتقال ت وتوقف كما موضح في الصورة

بواسطة ملعقة ننزع العصارة تع البرتقال بدون ما نخرب القشرة تاعها العصارة لي نزعناها نميكسيها جيدا ونصفيها أما القشر نحتفظ به في التقديم العصير لي تحصلنا عليه اضفتلو نشاء ومغرف سكر خلطت بارد في بارد ووضعت الكسرونة على النار مع التحريك المستمر

لما عقد الخليط نزعته من النار اضفتلو عطر البرتقال وفرغته في صحن واسع ووضعته في الثلاجة ليبرد لما برد تماما طلعت كريمة الشونتي لي هي حليب وغبرة شونتي وخلطتها مع كريمة البرتقال كما موضح

لما امتزج الخليط جيدا حشيت قشرة البرتقال بالكريمة تاعنا بواسطة بوش ادوي والتزيين اختياري

جات بزاف بنينة وبريزونتابل نتمنى تعجبكم خياتي مليحة لسهراتكم الرمضانية

تقبل الله منا ومنكم صالح الاعمال