بعد بسم الله رحمان الرحيم نقشر لبطاطا و نقطعها مربعات و نملحهم و نحطهم يفورو. و نحط لبيض يغلي.

بعدها روح نحضر لعجينة نحط كل المكونات مع بعض عدا الماء و نخلطهم مليح و نبدأ نضيف لماء بشوي لان نتحصل على عجينة طرية تتلاصق في يد نغطيها و نحطها تختمر.

بعد ما تختمر نطرحها فوق طاولة العمل و نطبع بطابع دائري متوسط قطره حوالي 8.5cm و نهزها و نجبدها شوي باه يولي شكلها بيضاوي و نحطها تختمر من 10 الى15 دقيقة نكمل لباقي و نسخن زيت تاعي و نطيبهم يجو مجوفين من داخل و مقرمشين.

كي طيب لبطاطا تاعي نحطها في صحن و نزيد نقطع عليها لبيض طيبتو قبل و نقطع زيتون اسود و الطماطم و نضيف التونة بزيت تاعها و نضيف الجبن و فلفل اسود و عكري و دبشة (كزبرة) نخلطهم مليح مع بعض.

نجيب لهريسة تاعي نخففها بشوي ماءو ندهن بيها لفريكاسي تاعي من داخل و نبدأ نحشيهم و ندرلهم مايونيز من فوق و شهية طيبة. (فريكاسي من الاحسن تفتحوهم بلمقص باه يجو مسقمين و بالنسبة لحبة البيض اختيارية هي فقط تعطي القرمشة للفريكاسي).