تحضير العجينة اولا في صحن نضع الحليب السكر و خميرة الخبز نخلطوهم مليح حتى نحسوا بالسكر ذاب نلوها تتخمر 5 د بعدها نضيف الزيت الملح و نبداو نضيفو الفرينة حتي نتحصلو على عجينة متماسكة ندلكوها شوية امبعد نغطوها نخلوها تخمر

تحضير الحشو نوضعوا البصل المقطع مربعات صغيرة مع شوية زيت نخلوه يتقلى حتى يذبل بعدها نضيفو الدجاج و التوابل نخلطوها مليح نغطوها نخلوها طيب بعد ما طيب نزيدوا الجبن و نخلطوا باش يذوب و نخلوها تبرد

بعد ما خمرت العجينة نقسموها الى نصفين النصف الأول نحلوه بشوية فرينة سمك العجينة ميكونش خشين و لا رقيق بزاف بالاصابع نحاولوا نثبتو العجينة في الأطراف و الوسط

بعدها نوضعو الحشو بعد ما برد و نحلو العجينة الثانية مثل الاولى و نوضعوها فوقها بعدها ب بانسو نفوتو على التوغت ديالنا باش تعطيلنا لمعة ذهبية و نطراسيوها بسكين أو خيط و نزينوها كما في الصورة

Bon appétit vous n'oubliez pas jaime commentaire abonné et j'espère vous essayez-la et vous me partager avec moi votre Cook snap 👇
Merci ❤️
شهية طيبة لاتنسى أن تعمل اعجاب، تعليق، اشتراك، واتمنى ان تجربه وتشارك معي كوك سناب 👇
شكرًا لك