نجيب بولا كبيرة أو اي حاجة غويطة بتعملي فيها نقوم بوضع السمنة ونقلب السمنة بأيدينا وبعدين نضع السكر البودرة ونقلب لحد ما يمتزج ف السمنة وتلاقي اللون بقى افتح ولو عايزة تلبسي جوانتي براحتك هيكون افضل أنا مكانش عندي بعدها نضع الفانيليا ونقلب وبعدها هننزل ببيضة بيضة واحدة واحدة مش كلهم مع بعض نضع واحدة ونقلب لحد ما تختفي وهكذا لحد ما نخلص الكمية المطلوبة تمام نضع ريحة البرتقال

بعدها ننزل بالدقيق المنخول وعليها البيكنج باودر ونقلب مش نعجن زي بتكبسي بايدك عليها لحد ما يخطلت بالسمنة

نقوم بوضع النشادر على اللبن الدافئ اول ما يفور تعرفي أن النشادر شغال تضعيها على العجينة بتاعتك وتفضلي تلمي ف العجين لحد ما كله يمتزج ببعضه وحطي اللبن واحدة واحدة لحد ما تلم معاكي بعدها تعمليها كور كدة من غير ضغط وتضعيها ف الثلاجة لمدة نصف ساعة لحد ما تركبي ماكينة البسكويت

نبدأ بقى نحط العجينة ف الماكينة وتحطي الشكل اللي انتي عايزاه وتبدائي ترصي وتكوني مولعة الفرن على درجة حرارة 170 وانتي لسة بتشتغلي في العجينة من البداية

ويا رب يعجبكم 😘😍♥️