منضف السمك منيح و منغسلو كتييير منيح
منهرس راس ثوم 🧄🧄 و منحط فوقه البهارات كلا و منخلطن منيح لنتبل السمك

منحط السمك و التتبيلة و منحركن منيح ليتشرب السمك التتبيلة و تطعم عليه
و منغطيه و منتركا شي ساعة بالبراد

لبين مايكون تتبل السمك
منعمل صوص الأفوكادو 🥑🥑😍منهرس ٢ حبة أفوكادو مستوية مع فصين ثوم و عصرة ليمون و ملح حسب الرغبة و منخلطن منيح ليتجانسو تمام

منحط زيت قلي باسفل مقلاية التيفال
و منخلي ليصير دافي و ليس ساخن مشان ما يحترقو السمكات من برا و يضلو من جوا مو مسويين ومنقلبن كل شوي ليستوو عالتمام.

طبعاً السمك مابياخد وقت بالسوي
وخصوصا السمك الصغير.😊😊

منقدمن مع الصوص و منزين طبق السمك بالليمون والنعناع و جنبن سلطة جرجير و صحة وعافية 🥰😊