في إناء نحطو الزبدة الطرية و صفار بيضة و ملح و نخلطو مليح و نزيدو الفرينة و رشة لخميرة حتى تتلم و نتحصلو على عجينة شوي طرية.

نشكلوها في القوالب و نثقبو القاع نتاعها و ندخلوها تنشف شوي ملفوق قبل ما نديرو الحشو.

الحشو : نقليو الدجاج مع البصل و الفلفل الاسود و الزنجبيل و الملح و نخلوهم يطيبو منبعد نحوهم نزيدو عليهم زوج بيضات و المعدنوس و كريم فريش و الزيتون لخضر نخلطو و نعمرو بيهم القوالب نتاعنا و نزيدو الجبن المبشور و ندخلوهم للفرن تتحمر من لتحت و نزيدو نشعلو ملفوق حتى نتحصلو على اللون الذهبي

و التزيين إختياري.