إفتح في تطبيق كوكبادالخطوات
- 1
اول حاجة نجهز الجيلى او الجيلاتين.. هو كيس حلو و زيادة كمان.. الجيلاتين اعمليه زى مامكتوب عليه.. دوبيه فى مية وسخنيه و سيبيه يبرد.. ولو جيلى استخدمى مية اقل من اللى عالكيس علشان يبقى سميك معانا و بردو سيبيه يبرد و على حسب الجو سيبيه يبرد برة او جوة التلاجة.. بس يبرد مش يتحول لجيلى
- 2
نضرب البياض لوحده و الصفار مع السكر والفانيليا لوحده
- 3
علامة البياض انه يبقى شبه الكريمه و لما تقلبي البولة مايقعش منك يفضل متماسك و الصفار لونه بيبيض و يبقى شبه المايونيز و السكر يدوب فيه 80%
- 4
بعد كده نحط الصفار على البياض علشان نحافظ على الهوا اللى جوة البياض و نقلب مرتين تلاتة من تحت لفوق يادوب بس يتجانسوا
- 5
بعد كده نضيف الزيت و الدقيق مع رشة الملح على مرتين او تلاتة و نخلط بردو من تحت لفوق و فى اتجاه واحد و بالراحة عشان نحافظ عالهوا اللى هايخلى الكيكة اسفنجية
- 6
يكون الفرن حاهز على 180 درجة و سخن مسبقا نحط الكيكة ف صينية مدهونة زيت و متبطنة بدقيق و نخبط على ضهرها مرتين جامد للتخلص من الدقيق الزيادة
- 7
يادوب تستوى و نختبر السوا بخلة او شوكة و علامة السوا ان الخلة او الشوكة تطلع نضيفه من غير عجينة و الحجم ده عموما بياخد حوالى نص ساعه عالرف الاوسط
- 8
نسيب الكيكة ف الفرن بعد مانطفيه حوالى 10 دقايق عشان ماتهبطش ثم تخرج لمكان بارد حتى تبرد تماما
- 9
نبدأ ف الكريمة.. اهم حاجة ان الكريم شانتيه..انا استخدمت 3 اكياس بس خللى عندك زيادة احتياطي.. قللى اللبن اللى هاتستخدميه ف الكريم شانتيه عن المقدار اللى مكتوب على الكيس.. يعنى لو الكيس بياخد نص كوباية خليه ريع علشان عايزين كريمة سميكة
- 10
قطعى مع الكريمة اى فواكه انتى عايزاها بس قطعيها بسمك رفيع و اخلطيها مع الكريمة بعد ماتتكون الكريمة لكن مش تضربيها مع الكريمة
- 11
نحط الكريمة فى التلاجة و نبدأ فى الكيكة
- 12
نقطع طرفها الناشف داير مايدور و نسيبه على جمب و نقطعها مرة واحدة بالعرض و مرة بالطول فتتكون عندنا نص دايرة على 4 طبقات ولو عايزة دايرة كاملة ضاعفى الكميات مرة او مرتين
- 13
بأى عصير فواكه عندك نحط بالفرشة كمية صغيرة يادوب نملس عالكيكة عشان نديها نكهه لكن مش كتير مش عايزينها تبوش.. يادوب نمسحها بالعصير و نحط طبقة سميكة من الكريم شانتيه بالفواكه بحيث انها تغطى الكيكة و نحط الطبقة التانية و هكذا و ممكن نحط جوة الكريمة جوز هند كمان قبل مانحطه على الكيكة
- 14
خلصنا كل الطبقات بردو نحط طبقة سميكة عالوش و نساويها حلو بالاسباتيولا او بمعلقة او سكينة عريضة و نحط كريمة على جوانب التورتة بحيث ان الكيكة تختفى جوة الكريمة
- 15
بكيس الحلوانى نزين الوش بالطريقة اللى تعجبنا و نحط القاكهه زى ماحنا عايزين و نيجى لأطراف الكيكة اللى قطعناها نفتفتها بايدينا و نخلطها مع جوز الهند وبكف إيدنا تثبته على جوانب التورتة يعنى حطى حبة ف كف ايدك و كإنك بتسندى الكيكة ثبتيه عليها و ده حلو جدا لاخفاء عدم تساوى الكريم على السطح الخارجى للتورتة
- 16
فى الاخر بالفرشة لمعى الفواكه اللى عالوش بالجيلى او الجيلاتين البارد علشان تحافظى عليهم و مايدبلوش
- 17
لو حابة تعملى تورتة شوكلاتة شيلي من الدقيق معلقتين كبار دقيق و بدالهم معلقتين كاكاو و لو عايزة الكريمة تبقى شوكلاتة حطى معلقتين كاكاو مع بودرة الكريم شانتيه قبل الخفق و ممكن تحطى مع الكريمة بندق مفروم مش مطحون.. يعنى يفضل قطع بس صغيرة بيدي طعم حلو جدا للتورتة مع الكريمة و بألف هنا و شفا
من تفاعل بإيموجي
وصفة من
وصفات مشابهة
-
-
كيك الكريمة الغنية كيك الكريمة الغنية
كان عندي مناسبة عيد ميلاد اب وبناته وحاولت اقدم اسهل واشيك شكل والذ طعم#وصفات_بالسكر
-
-
كاسات كيك بالكريم كراميل والمكسرات *-* كاسات كيك بالكريم كراميل والمكسرات *-*
#كوكباد_بريميوم#اهلا_بالعيد
-
كوبايات جيلي بالكيك وكريم كراميل كوبايات جيلي بالكيك وكريم كراميل
حاجه حلوه خفيفه ولذيذه ف الصيف والحر وسهله وبسيطه
-
-
-
-
وصفات ننصحك بمشاهدتها
التعليقات