في إناء نضع غرفية فرينة

نضيف ملعقة ك خميرة الخبز

نزيد شوية ملح

نضيف ثلاث ملاعق زيت نباتي

نلم العجينة بالحليب دافئ

نخلي العجينة تختمر حتى يتضاعف حجمها

تحضير الصلصة، الصلصة كل واحد كيفاش يحبها، الصلصة لي حضرتها انا كالتالي:
في مقلاة على الغاز نحط شوية زيت نزيد عليه حبة بصل متوسطة الحجم مقطعة🧅 ، نزيد عليه شوية ملح 🧂شوية فلفل اسود ونزيد حبة طماطم متوسطة🍅 نطحنها مليح بالميكسور او الاشوار ونزيد عليها ملعقة طماطم مصبرة باش يكون اللون اغمق نحرك الصلصة مليح كي نشوفها بدات تغلي نطفي عليها ونزيدلها شوية اعشاب عطرية تخلي البنة روعة

صلصة الجبن باش نعوضو بيها الجبن القابل للذوابان ،لتحضير صلصة الجبن فالمنزل:
نجيب إناء ولا فالكاس الخاص بالميكسور نحط من سبع الى ثمنية قطع من الجبن العادي ونحط عليها حبة بيض🥚 وشوية حليب حوالى اربع ملاعق كبيرة🥛 و نطحن كلشي مع بعض حتى يوليلنا خليط

بعد ما تختمر العجينة نورقها بشكل مربع او دائري ونثقبها بالفرشيطة

نحط على العجينة صلصة الطماطم وفوقها صلصة الجبن

ونزيدولها الزيتون او اي نوع من الخضار للتزيين

ندخلها الفرن حوالى 25 دقيقة

و شهية طيبة ❤️