في كسرونة نحط كاس السكر و نخليه يتكرمل و ما نحركش فيه باش ما يكونش تكتلات حتى يذوب تماما

بعد ما يتكرمل و ياخذ لون شباب نرفدوه من على النار و نضيفولو أول علبة من الكرام ديسير و نخلطو بسرعة و نضيفو العلبة الثانية بسرعة راه نلاحظو تكون كتلة كبيرة من السكر لكن عادي و نتوخاو الحذر باش ما ننحرقوش و نردوها للنار لازم تكون هااادية و نقعدو نقلبو فيها حتى تذوب الكتلة

بعد ما تذوب الكتلة تماما نضيفو الزيدة و نخلطو مليح حتى ينساجمو و نطفو عليه

بمجرد ما نطفو عليه لازم نصفوه مباشرة و نخلوه يبرد
بصراحة هذي هي ألذ وصفة صوص كراميل جربتها في حياتي بدون مبالغة و مستحيل نبدل هذي الطريقة ابدا نتمنى تجربوها لأنها رايحة تعجبكم 😋✨