صابلي بريستيج بذوق البراليني

نحضر عجينة صابلي نحرك جيدا المارغارين مع سكر والزيت حتى يصبح خليط كريمي نضيف رشة ملح مع البيض والفانيليا ونغربل الخميرة الكيميائية مع الفرينة حتى نتحصل على عجينة طرية

نجيب اي مول سيليكون انا استعملت شكل الاهرامات و نذوب شوكولاطة بيضاء في حمام مائي و ندهن المول الطبقة الأولى و ندخلها المجمد و نزيد ندهن الطبقة الثانية و ندخلها المجمد بعدها ندير شوكولاطة الطلي قليلا داخل و نحط فوقها قليل من الحشو و نغلق بالشوكولاطة البيضاء

نروح نطيب صابلي و ندير شكل يكون شوية كبير على قاعدة المول تع سيليكون مثال انا استعملت شكل مربع كبير شوية على قاعدة المول

بعد ما يطيب صابلي نخليه يبرد و نحي القوالب و نلصق القالب تع الاهرامات فالصابلي بالشوكولاطة البيضاء

التزيين عملت ناكري برونزي مع السائل المذيب و استعملت فرشاة الأسنان قديمة غطسها فالخليط السائل وبديت.نرش جميع الجوانب باش تعطينا هاداك الشكل الموشتيي و لصقت نصف حبة بندق بالشوكولاطة البيضاء و وورود الشوش