كبة مقلية وكبة مهبلة 😍

اول شي من قبل بيوم حطيت البرغل بالبولة و حطيت عليهم ماء بس ديرو بالكم لا تكثر لانو بعجن... الماء بنحطها بالتدريج شوي شوي والبرغل بشربو لحد ما نحس انو البرغل رطب مو ناشف بنغطي البولة وبنحطها بالثلاجة

ثاني يوم جهزت المقلاة وفرمت بصلتين ناعم وطبخت اللحمة مع رشة فلفل وملح وشوية بهار مشكل

جهزت المكونات وجهزت محضرة الطعام وحطيت اللحمة على جنب تبرد

بنطحن البرغل على دفعات لانو البرغل ثقيل على الماكينة وبنحط مع البرغل المكونات

بس طحنت البرغل وخلصت غسلت دياتي وعجنت البرغل واذا حسيتو انو البرغل ناشف رشو ماء وعجنو... العجينة بتكون تمام انها ما بصير فيها شقوق لما تكبكبيها

خلصت كبكبة

حميت الزيت وبلشت اقلي على نار وسط لحتى تحمرو اما الكبة المهبلة جبت طنجرة جرانيت وحطيت فيها كاستين شاي من مرق الدجاج ورتبتهم بالطنجرة فوق المرق وغطيت الطنجرة وخليتها على نار هادية