صابلي برستيج بأحلى حشوة

بسم الله والصلاة والسلام على رسول الله وبعد نخلط جميع مكونات الصابلي ونشيح بالفرينة حتى نتحصل على عجين طرية نتركها ترتاح ٥ دقائق في الثلاجة بعدها نقرصها فوق بلاستيك غذائي ونطبعها بالطابع الي نحب انا درت دوائر متكونش رقيقة بزاف ولا خشينة نطيبها حتى تأخذ اللون الذهبي

بعد ما يطيب الصابلي نتركه حتى يبرد تماما ونحضر كريمة الزبدة بخلط الزبدة والسكر حتى تصبح كريمة ثم نضيف الشانتي ونخلط جيدا بالخلاط حتى نتحصل على كريمة ملساء نضعها في كيس حلواني ونتركها في الثلاجة حتى تتماسك

نخرجها نضع كريمة الزبدة على حواف الصابلي ونعمر الوسط بمربى الفرولة ونضع الحبة الثانية فوق الحشوة واضغط غير بالشوية ونزيد نزيل الكريمة الي خرجت على الجوانب نضعها في الثلاجة تتماسك ونذوب الشكولاطة البيضاء ونقسمها الى اثنان جزء لاونو بالوردي وجزء نتركه ابيض او نشتري شكولاتة ملونة ونذوبها ونغلف الصابلي نص وردي ونص ابيض ونتركها حتى تجف ونزينها بورق الذهب او عل حسب ذوقكم صابلي رووووعة بنة ومنظر نتمنى يعجبكم