نجيب الجفنة ونحط فيها السميد مع شوية ملح من بعد نحط التبساس تاعي ونحك مليح حتى يدخل التبساس فالسميد ونحط ماء الزهر ونكمل نبل بالماء حتى نتحصل على عجينة طرية ونغطيها بالبلاستيك ونخليها تريح ليلة كاملة.

نجيب الغرس بعد مانقيتو مليح ورحيتو نحطلو شوية سمن أو زيت وشوية ماء الزهر و شوية قرفة ونعجنو مليح ونحطو على جنب.

نقسم العجين الى نصفين نطرح النصف الأول فوق مايدة ولا في سنيوة نضع الغرس فوقها بعد مانكون طرحتو فوق كيس بلاستيكي من بعد نحط فوقها النصف الثاني من العجين ونقصها على شكل مقروضات.

نحط الطاجين يسخن ونطيبها على نار متوسطة.

بعدما كملت الطياب ويكون برد نمسحو ونقدمو