فريت بلبولي آشي مع سر لخلي المرقة عاقدة وماهيش جارية

نخلط صدر الدجاج المطحون مع كلشي ونبدأ نزيد في الشابلور حتى نتحصل على قوام طري نوعا ما ونخليه لمدة نصف ساعة يرتاح

كيرتاح اللحم نلقاوه تماسك معانا ونديرهم بولات متوصطين الحجم ونرمدهم في الفرينة

نضع القليل من الزيت ونقليهم حتى يحمارو من كل الجوانب نحيهم ونصفي الزيت وفي نفس المقلة نرجع هاداك الزيت يعني كمية صغيرة ونزيدها نصف ملعقة كبيرة زبدة كتذوب نضيفو ملعقة كبيرة فرينة ونقليها

نزيد علاها فص ثوم وملعة طماطم وهريسة ونقليهم مليح من بعد نزيد الطماطم رابي ونخليها حتى تنشف من كامل العصير نتاعها ونزيد التوابل والملح والدبشة والكرفس ونقليهم ونمرق بالماء المغلي كيتغلا نزيد دوائر الزيتون الاخضر ونخليها طيب على نار هاديه ومتغفلوش على تحراكها هكا شوية وحركو على خاطر فيها الفرينة

نقطع بولات اللحم الى دوائر ونضيفهم الى المرقا ونخليهم يطيبو باه يمدولنا البنة كتعقد تحسوها كيما ليسوب العقد وضيفو قرن فلفل حار خلوها حتا دقيقتين وطفو النار

أنا قليت البطاطا وصقيتها وزينتها بلبولات اللحم ودبشة وقرن فلفل حار

وشهية طيبه ومعلومة أنا درة نصف صدر دجاج وتحصلت على كمية مشاء الله واللحم جاني خفيف كيما البونج روعة روعة