مخلمة فطر 🍄
الفطر هو ابن اخت اللحم لكن من غير عشيرة 🫤
الخطوات
- 1
نجيب الفطر ونجلفة زين و نفصل الرأس عن النصل بعدين نقطعة مكعبات عنونية حجم حباية الحمص
- 2
نغسل ونثرم الكرفس والكراث ونثرم البصل
- 3
طاوة او قالب تبسي حجمة مناسب نخلي على طباخ ونشغل ونضيف رشة زيت او زيت الزيتون
- 4
اول ما يحمى الزيت مباشرة ننزل مكعبات البصل الناعم ونچوحها او نشوحها او نقلبها (بكيفكم) واول ماتبدي تتكرمل وتذبل ويتغير لونها نبدي ننزل الفطر ونقلبهم زين
- 5
نغطي الطاوة وننصي النار علمود الفطر ينزل كل الماء مالته فد 5 دقائق ونرفع الغطى هنا راح نشوف كمية ماء هواي والريحة تسطر مال الفطر 😋
- 6
نبدي نضيف البهارات بنسب قليلة حسب الذوق وننزل الملح ونقلب خبطتنا المصونة ونرجع نغطي الطاوة حتى تتجانس المكونات والفطر يكسب طعم البهارات
- 7
اول مانشوف الفطر استوى والريحة تسطرك وانت جوعان مباشرة ازيل الغطى واعلي النار وابدي اقلب من ينشف الماء زين وتبدي المكونات تتشوح في قلب الطاوة نجيب البيضات ونطگهن فوك الفطر ونخبطهن زين بعدها نضيف الكراث والكرفس وراح تكتمل اللوحة...
- 8
والآن بعد هذه الحرب الطاحنة لازم نحير بغسل المواعين 🥲
- 9
.... عافيات مقدما ً 🫡
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
مخلمة قرنبيط مخلمة قرنبيط
تعلمتها من اختي. #المهم_الطعمزوجي كان ميحب القرنبيط من سويت هذه الاكله حبها جداً واكلها كلها 🥰😂
-
-
مخلمة على طريقتي مخلمة على طريقتي
# هاشتاق سهلة وسريعة وبسيطة وحلوة #
-
-
-
مخلمة بالبيض مع الطماطم المقلية مخلمة بالبيض مع الطماطم المقلية
اكلة عزيزة على القلب والمعدة قدمتها مع طماطم بالدهن وشوربة العدس💖💖💖سفرة عراقية شعبية 💖💖💖
وصفات ننصحك بمشاهدتها
التعليقات