ندير الماء يغلى في الاناء من جهة

وفي جهة اخرى نجيب جفنة ندير فيها السفة ونبللها بالماء قيس متتشرب الماء ومنكثرش باش متتعجنش السفة

كتتشرب الماء ويغلى الماء في الاناء نتاع التفوار نفتحها بثلث ملاعق زيت تجينا حبة حبة

نديرها في الكسكاس تفور

كتفور الفورة الاولى نعاودها بالماء والملح نخليها تتشرب الماء مدة خمس دقايق منبعد نزيد الزيت نفتحها بيها ونفتلها منكثروش الزيت قيس لي تفتح لينا السفة نتاعنا كيما العادة وكيما نديرو في الكسكس

نديرها تفور مرة اخرى

والعنب الجاف نضيفوه يفور مع السفة في اخر تفويرة ليها يعني رح نديرو تقريبا ثلث فورات

كطيب السفة ندهنها بالدهان الحر بنة توب صرااااحة😋😋😋👌👌 ونديرها في مول انا خيرت مول داءري كيما في الصورة وشكلت وردات بالكاوكاو في وسطهم حبة عنب جافة كلمستي الخاصة وندير تاج بالبيض ونزين كيما في الصورة ويبقى الديكور اختياري بالطبع ونقدمها مع اللبن او الحليب وبالصحة والعافية 💖💖💖💖😘😘😘😘😘🎀🎀🎀🎀💗💗💗🥰🥰