سر تماسك الزبادي🍚البيتي وبإضافة مكون☝️وهتنسي طعم المزازة❌
طبعا الزبادي مفيد جدا للعظام والأسنان😁وغير كده كله كالسيوم ومفيد بالذات للاطفال👶.. بس عشان نشتريه كل يوم.. بالذات في شهر رمضان 🌙هيبقى مكلف💰🤔.. عشان كده من كيلو لبن🍶 عملت منه يكفي 10 أفراد👨👩👧👧👨👩👦👦👩👧.. وغير كده ضيفت مكون واحدة☝️ وضيعلي طعم المزازة 💪💪
#تحدي_الشيف_الذهبي
#الشيف_الذهبي_2023
#الزبادي_البيتي
#كوكينا_cookina
#eman_magdy
سر تماسك الزبادي🍚البيتي وبإضافة مكون☝️وهتنسي طعم المزازة❌
طبعا الزبادي مفيد جدا للعظام والأسنان😁وغير كده كله كالسيوم ومفيد بالذات للاطفال👶.. بس عشان نشتريه كل يوم.. بالذات في شهر رمضان 🌙هيبقى مكلف💰🤔.. عشان كده من كيلو لبن🍶 عملت منه يكفي 10 أفراد👨👩👧👧👨👩👦👦👩👧.. وغير كده ضيفت مكون واحدة☝️ وضيعلي طعم المزازة 💪💪
#تحدي_الشيف_الذهبي
#الشيف_الذهبي_2023
#الزبادي_البيتي
#كوكينا_cookina
#eman_magdy
الخطوات
- 1
اول حاجة غليت اللبن والأفضل يكون نوعه كويس عشان يبقى متماسك.. ولو معلب سخنيه بس عادي ولو مش عايزاه دسم شيلي الوش بعد مايبرد شوية.. وأهم حاجة ركزي بقى معايا عشان اقولك درجة السخونية🌡️ بتاعته عشان ينجح معاكي. بعد مايغلي🌡️ سيبيه يبرد❄️ بس مش قووي. هتختبريه ازاي بقي 🤔 هتحطي الصباع الصغير جوة اللبن وعدي 20 ثانية بالظبط لقيتي نفسك اتحملتي درجة الحرارة 🌡️يبقى كده تمام ولو لقيتي نفسك مش قادرة تستحملي يبقى لسة محتاج يبرد شوية. طيب لو برد منك قوي🤔عادي سخنيه تاني😂 وبردوا اختبري درجة الحرارة🌡️
- 2
وبعد كده جبت علبة زبادي بلدي الحجم الصغير ممكن برضوا تشيلي الوش لو مش عايزاه دسم.. وممكن تحطي ملعقة كبيرة بس لان كل كيلو لبن بيحتاج ملعقة بس عادي لو حطيتي العلبة كلها لأنها صغيرة ومقدارها بيبقي معلقتين كبار اصلا
- 3
وحطيتها في طبق🍽️
- 4
والمكون بقى اللى فعلا مش هيخليكي تحسي بأي مزازة هي معلقة كبيرة من السكر🍚 او العسل النحل🍯.. كل كيلو لبن🍶 بياخد ملعقة كبيرة من السكر او العسل
- 5
وحطيت عليهم شوية من اللبن 🥛عشان الزبادي والسكر يدوبوا بسرعة والزبادي دى تعتبر الخميرة اللي هتعملي منها الزبادي
- 6
وقلبتهم كويس🔃
- 7
وضيفتهم عاللبن🍶
- 8
وقلبتهم🔃 كويس مع اللبن والأفضل تقلبي بمضرب سلك او تضربيهم في الخلاط لو عايزة تضمني ان مايبقاش في اي كلكعة بس انا بضربهم مضرب السلك عادي
- 9
وحطيتهم ف الطواجن الصغيرة اللي زى بتاعت ام علي وفي الكوبايات
كمان.. وطلع معايا عددهم عشرة
- 10
وبعد كده ضيفت مية سخنة بس ماتبقاش❌ مغلية🌡️
- 11
هتحطي المية في الصينية والمية تبقى حوالي ربعها زي ماانتوا شايفين كده.. ولو حطاهم في صينية الومنيوم حطي جوة الصينية شوية خل عشان الصينية ماتسودش منك لكن لو تيفال عادي
- 12
ولازم تتغطى بفوطة وسخنت الفرن نص دقيقة بس وطفيته وحطيت الصينية وقعدت حوالي 6 ساعات او لحد لما تمسك نفسها
- 13
وده بيبقى شكله لما طلعته من الفرن بيبقى سايب حاجة بسيطة ولسة القشطة مظهرتش بس لما يتحط في الثلاجة هيمسك نفسه وهيعمل طبقة القشطة..وبعد كده حطيته في الثلاجه حوالي ساعتين تلاتة او لحد لما يمسك نفسه
- 14
ودي شكلها بعد ماطلعت من التلاجة شايفين القشطة
- 15
شايفين متماسكة ازاي 😍
- 16
واهي كمان متماسكة في الكوباية مش في الطاجن بس قلت اثبتلكوا كله بالعملي.. شوفتوا ضمير كده بذمتكوا🤔😂
- 17
واهي كمان شكلها من جوة متماسكة جدا💪💪
- 18
ودي قناتي المتواضعة عاليوتيوب بتمنى تنوروني وهتلاقوني واقفة على باب القناة بفتحلكوا بنفسي انجزوا بقى عشان رجلي وجعتني من الوقفة 😂😂
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
-
الزبادي البيتي 🥛🍯 الزبادي البيتي 🥛🍯
بما اننا داخلين على رمضان ربنا يجعل دخلته خير علينا يارب ، نجرب بقي الزبادي وهو طبعاً طريقته واحدة بس نجرب ليه اطعمة جديدة انا عملته المرة دي بطعم عسل النحل 😋#تجهيزات_رمضان #٣_وصفات
-
طريقة عمل الزبادي البيتي باللبن البودرة طريقة عمل الزبادي البيتي باللبن البودرة
#المرور_الثالث#حملة_التشجير
-
الزبادي البيتي الزبادي البيتي
الزبادي البيتى من أهم استعدادات شهر رمضان ليه تشتريه من بره لما تقدرى تعمليه في البيت
-
-
-
-
وصفات ننصحك بمشاهدتها
التعليقات (6)