في إناء نحطو ثلاث كيلات سميد ورشة ملح وملعقة سكر ونخلطوهم بعدها نضيفولو كيلة سمن ذايب ونبسوه مليح مليح بين يدينا ونزيدو عليه حبة بيض تكونو محركينها باش تتفادو الحبيبات في العجينة زيدو بسوه مليح وخلوه يبات ليلة كاملة

بعدها نحضرو معجون التمر نقوه مليح ونزيدولو ملعقتين زبدة طرية او زيت وقرفة بودرة ونعجنوه بين يدينا حتى يطرا معانا

بعد ما السميد تاعنا بيتناه ليلة كاملة نبداو نخدمو في العجينة نزيدولها الماء مع ماء زهر ونعجنو حتى تتكون عجينة ونبدا

نشكلو فالمقروض تاعنا كما موضح في الصور ونخلوه ينشف باش نبداو نقلوه. نقلوه في زيت حامي على نار متوسطة ونعسلوه

للمقروض يتعسل مرتين مرة في عسل بارد بعد منقلوه والمرة الثانية نسخنولو العسل