العيش 🍲بركوكس🥘 بزيت الزيتون🫒

سلام لبنات اليوم جبتلكم وصفة العيش.😋هذو المقاديرهنا كوسة مكنتش عندي

انا لبنات العيش نطيبو بزيت زيتون 🫒🫒ماشي بزيت الذرة🌽بسكو يجيني حلو بنين😋😋🥰🥰🥰

لبنات جيبو حبة بصلة نسكرفجوها مع فصوص الثوم او مع حبات جزر نقطعوها مكعبات صغار اوبطاطا او حبات طماطم نسكرفجوها

اونجيبو القدرة تع الفخار جي مكلتها بنينة😋نديرو شويا زيت زيتون او نرمي الدجاج باش يتقلا نقسو النار متوسط او خليوه يتقلا مليح متزربيلوش لجاج.

كي يتقلا الحاج نديرو الرند مع الزعيترة معه باش الدجاج يدي بنة الزعيترة او نديرو لبصل مع الثوم

كي يتقلاو نرمو عليهم جزر مع البطاطا
مع الطماطم حبة اونخليهم على مهل او نزيدو الحمص.

اومبعد لبنات نديرو التوابل كيما اي مثل راكو جوفو في الفيديو مع طماطم مصبرة يتقلاو اومبعد نمرقو بالماء الساخن

نشدو العيش نغسلوه او نرمو الماء او نخليوه يشرب او نديرو القدرة تغلي نفوروه الاولى كي فور نحيوه نشمخوه بالماء حتى يشرب او نفوروه الثانية كي فور نديرولو الزيت زيتون.

او العيش كي يتفور نرموهه في القدرة
باش يكمل طيابو او زتلو زيت زيتون او غلقت عليه حتى يطيب او المرقة تكون ثقيلة او طفولو 😋