نجرسكو بالفراخ
وجبة غداء وتقدم مع سلطة طماطم وتومية أو بطاطس ومخلل
الخطوات
- 1
بنسلق المكرونة ونحط في الماء ملح وملعقة زيت صغيرة وبعد ما تتسلق نأخذ شوية مياه سلق المكرونة وبعدين نصفيها ونسيبها ونحط زيت في نفس الحله مع حتة سمنة أو زبدة ونحط الدقيق معلقتين ونص ونقلب كويس لحد ما يذوب مع الزيت والسمنة
بنحط ٤ كوبايات لبن بودرة أو أي لبن ونحط كريمة طهي العلبة الصغيرة كلها ولو مش متواجده بنحط قشطة اللبن البقري وبنحط فلفل أسود - مرقة ماجي ٣ - 2
و نفضل نقلب لحد ما يكون قوامة تقيل متوسط على درجة حرارة متوسطة أو هادية عشان ميتقلش اوي لما بيتقل بنرفعه من على النار ومنشيل ٤ كبشات بشاميل على جنب
- 3
نقطع الفراخ قطع صغيرة وسماكتها ١سم مثلاً عشان تستوي بسرعه ومتكونش بتشد ونحط عليها توابل فراخ - ملح - فلفل - شطة شويه صغيرين - كركم شويه صغيرين اوي - بابريكا - توابل شاورما - عصرة ليمون - ثوم باودر - بصل باودر
و نقطع الفلفل الألوان قطع صغيرة
نجيب طاسه نحط شوية زيت ونحط البصل الأول مع الفراخ ونغطيهم على نار هادية وقرب ما بتستوي الفراخ بنسقط الفلفل الألوان ونسيبهم يستووا سوا - 4
بنجيب الصينية بتاعتنا ونحط نقطة زيت ندهنها ونحط معلقتين بشاميل من تحت وندهن الصينية بيهم
- 5
بنشطف المكرونة ونسقطها في البشاميل وبعدين نحط نص المكرونة في الصينية وبعدين نحط الفراخ في النص وبعدين نحط نص المكرونة التاني والبشاميل اللي شيلناه على جنب من فوق ونجيب بيضة ندمجها بالشوكة نحطها على الوجه ونعلق على الصينية على درجه حرارة ١٨٠ أو ٢٠٠ عادي لمدة ٤٠ دقيقة
لما البيضة تستوي من الجناب ومتبقاش نيه
نطلع الصينية ونحط الجبنة على الوجه ونحطها تحت الشواية وبس كده ♥️
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
-
-
-
-
-
نجرسكو بالفراخ نجرسكو بالفراخ
وصفه سهلة وسريعة وتنفع في الصيف #اكلات_علي_كيفك #الشيف_رورو
-
-
-
-
-
-
وصفات ننصحك بمشاهدتها
التعليقات