نسلق الباستا في طنجرة بماء مغلي مع شوية زيد قليلة جداً حتى تستوي، وبعد الاستواء نصفيها ونغسلها بماء بارد حتى ما تعجن وتلزق

في طنجرة، بنقلي البصل حتى يذبل شوي وبنضيف عليه الدجاج المكعبات، وبنضل نقلب فيهم وبنضيف عليهم ملح وفلفل اسود ورشة زعتر ناشف قليلة جداً ورشة صغيرة جداً جداً كركم، وبنضل نقلب فيهم حتى يستووا تماما

بعد الاستواء بنضيف عليهم كريمة الطبخ، وبنضل نحرك فيها كل شوي لحتى تغلي، بنخليها تغلي مدة ١٠-١٥ دقيقة مع التحريك المستمر حتى ما تنحرق لحتى يتسبك الدجاج مع الكريمة جيداً

بنضيف الباستا على الكريمة والدجاج وبنضيف معها نص علبة ذرة مع شوية ملح صغيرة، بنضل نحرك ايضا ١٥-٢٠ دقيقة حتى تتسبك الباستا بالكريمة

بنسكبها في بايركس وبنزيد عليها كمان شوي ذرة على الوجه

في حال الرغبة باضافة الفطر، بنقلب فطر مقطع مع البصل وبعد ما يستوي بنضيف الدجاج وبنكمل باقي الخطوات كمان هي

صحة وعافية💖